قصيدة زجلية باللهجة المغربية
يا حبيبي .خسارة
خليتني بين الهيام
و لشواق وكية لغرام
ونيران في دخالي
زادت محنتي مع ليام
بسرعة سديتي بابك
شوقتيني فغرامك
درتي حدود
بين سؤالي و جوابك
و الورد لي غرسناه
هان عليك دوسو بقدامك
فين الكلام فين الوعود
فين رسلئل معطرة بالورود
فين كلامي و كلامك
شوف يا عزيزي الماضي
وراجع قوالك
لا اخ ليه نشكي
لا طبيب يداوي
لا أم تبخر بالجاوي
لا اخت تقسم الهم
لا حنين نحكيلو و يفهم
شكون من غيرك سبابي
شكون سباب كيتي وعلتي
شكون من غيرك يا الكاوي
ياك هادي مولات الجبين الضاوي
او تقاضى الكلام الخاوي
خاف الله دعيتك للعالي
خاف من دمعي يا الجافيني
نبات مع الشمعة نرجف
عايشة كي البوهالي
نبكي على زهري و قلة الوالي
هي دمعة وانا دمعة
ونيران الشمتة في دخالي
ادريس العمراني
20.8.2016
ليست هناك تعليقات:
إرسال تعليق