- مهمومة
- مسكينة مضيومة
- تبكي عل السعد
- لخلى الوعد
- يهرس وعدو
- بسباب ذاك لكان
- يگول راه بوحدو
- ؤهو منو زوج
- واحد يبغيها
- ؤواحد ديما
- يلعب عليها
- يخليها تبكي
- ديمامنوتشكي
- تحكي لنجوم الليل
- على لرحيلو ثقيل
- ديما مشوفها الويل
- مايخرج يشوفها
- غيرمن الليل لليل
- ديما مهمومة عقلها هبيل
- تقلب عل الحل لمثيل
- لذاك لخلاها
- فذيك الليلة لمعلومة
- سهرانة
- تشكي حالها للحال
- لي دار
- من قصتها موال
- بايتة تندب
- على لحبيب الغدار
- لخلى گلبهامحتار
- شاعلة فيه النار
- من ذيك الليلة
- هجراتو
- ؤگلبها سداتو
- بسوارت من حَدِيد
- وكوات جراحو
- بمگابص زاهرة
- وشماتهافلگاشوش
- خلاتها وشمة
- كيف البصمة
- تفكرها ف ذاك
- لي من ليلتها
- ماشافتوش
- ؤعاد عرفت
- بلي حبو كان مغشوش
- ؤتمنات كون
- ماتلاگاتوش
- قصيدة الحب المغشوش
- بقلم
- حسن الزايري
الاثنين، 23 أكتوبر 2017
مهمومة/*/**//بقلم حسن الزايري
الاشتراك في:
تعليقات الرسالة (Atom)
ليست هناك تعليقات:
إرسال تعليق