- منى ليكى وصفه سهله
- لو حبيبك حيرك
- وان تعبتى ماعدتى قادره
- انا بيها هفكرك
- اكتبى كل اعترافك
- واحكى فيه على اللى فى قلبك
- واحلفى ان ما شافك
- اى انسان الا حبك
- واسأليه ليه المناهده
- واطلبى منه انه يهدى
- واوعديه انك هتبقى
- وافيه وياه فى المعاهده
- وان عصى ابقى اذبحيه
- واختارى سكينه بارده
- اصل يظهر ان فيه
- جوه عقله حاجه شارده
- والنصيحه منى ليكى
- تغسلى منه ايديكى
- بس قبل ما تسبيه
- اضمنى كل اللى ليكى
- وصفه سهله وببلاش
- فيها فايده للى عاش
- وتقوليها للحبايب
- واللى غايب ومجاش
- وتبقى يوم ردى عليا
- وتقوليلى ملهش ديه
- او تقولى لسه عايش
- وعقله فى المنخوليه باش
- محمد البلاط
الثلاثاء، 31 أكتوبر 2017
منى ليكى وصفه سهله**********محمد البلاط
الاشتراك في:
تعليقات الرسالة (Atom)
ليست هناك تعليقات:
إرسال تعليق