الجزء الثانى من مجموعة جرح البلد دى
بلدنا
بلدنا بلد الحضارة
علماء في كل العلوم أوتاد
فيها من الحضارة
أنواع كتير
منها الأقصر
ومنها أهرامنا اللي بنوها من زمان أجداد
فيها نيل طويل والسد عالي
وفيها ناس كتير من أجله بدمهم نزفوا ليالي
وفيها سكة تانية وقضبان كتير
أشاش ومجرري وتروبيني وسريع
هنا درجة أولي مكيفة
وهنا برده تانية مكيفة
وبين عربياته كتيررر ناس واقفة متكتفة
دافعين ياعينى للتذكرة قيمة وربع
تقولي ليه ؟
أقولك تطويقه
ياهيئة فوقي دا الناس في ضيقه
وإنتى تقولي تطويقه
أنا نفسي أربيكى بالطريقة
من غلبي فيكى سنين كتير
وغٌلب ناس بردو كتير
منهم غنى
ومنهم فقير
ومنهم العين تبكي عليهم
أطفال صغار
كانوا بيحبوا يشوفوا القطر وقت الإنتظار
كان يوماتى يروحوا المدرسة
كانت عادة حلوة كويسة
ولما ركبوا الأتوبيس بتاع المدرسة
صاحبنا راح السهيان عليه
برغم فيه لاسلكي في إيداه
فاتوه يقفل المزلقان
أطفال وناس جالهم جنان
يامصر فين رمز الأمان
لما ياعيني يضيع
أطفال كتيرر يادوبك أكبر من الرضيع
والأهالي ياعيني جالهم جنان
أطفالنا ماتوا
أطفالنا ماتوا
والتاني مجننا بسٌكاته
طب إحنا رايحين علي الميدان
يابلدي
يابلدي
ياللي أغلي عندي من إبنى ووالدي
ياللي دايماً كنت أفخر إنك بلادي
طيب قوليلي بعد ما شوفتك بعيني
وإنتى بتدوسي ف ولادي
ولما عدلك إنك عليا تبقي زي جلادي
هتبقي بلدي إزاي
طيب أقول إيه لولدي الجاي
هقوله ديه بلد الحضارة من أكتر من 4000 سنة ؟
ولا أقوله ديه بلد الإهانة؟
بلد الخيانة للأمانة ؟
بلد من كتر إهمال ناسها فيها قربت تشكى معانا !
بلد من كتر إهمال ناسها فيها قربت تشكى معانا !
تقبلوا تحياتى
شاعر إستثنائى
ليست هناك تعليقات:
إرسال تعليق