الأونطه..ابو سريع اسماعيل

............................ الأونطه ...........................
الأونطه
قطر واقف فى المحطه ....................... ناس كتير أتغشوا فيه
فى اللى عبه منه شنطه ...................... و فى ال ركبه أدارى فيه
تقل خيبه و قصر ديل ......................... من زنوبك يلا شيل
عبى ما تبقاش بخيل .......................... طول حياتك عيش فى ورطه
....................... وادى أخرت الأونطه ........................
مشى حالك يالا ماين .......................... وترمى فى حضن الأبلسه
لا يصنوك و لا أنت صاين ................... منكوا هنشوف ياما لسه
الخديعه هى لونكوا ........................... متدريه فى لون عيونكوا
التلاعب دا مكانكوا ............................ بكره تكلوا من الأونطه
....................... وادى أخرت الأونطه ........................
هم شيله فوق كتافك ............................ كدبه مبتخلص يابا
حاسس أن الكل شافك .......................... أمتى هتزول السحابه
كدبتك سحباك لتحت ........................... رميه جسمك جوا فحت
أمتى تطلع لو سمحت .......................... أمتى ما تبقاش فى ورطه
....................... وادى أخرت الأونطه ........................
بهلوان فى سيرك نط .......................... أوراداتى ماسك له قرد
ذمه نازل فيها مط ............................ و كل حاجه لقلها رد
أيه اللى واخده من الكلام دا ...................تتكشف فضيحه جامده
خلى روحك شكره حامده ...................... و أنت ما تبقاش فى ورطه
....................... وادى أخرت الأونطه ........................
الأونطه سفناها ................................. غصب عنا أو بكيفنا
عمرنا ما اتحديناها .......................... لو زهقنا أو أيرفنا
الحقيقه زيفوها ................................. فى المصالح شعبطوها
رغم أن الصدق أبوها ......................... الشيطان وخدله قطه
....................... وادى أخرت الأونطه ........................