احساس
شو بتنفع الليلات لعميان البصر
شو بتنفع حكايات لطرشان الوتر
منو بحاجة لصوت ابكم للحكي
ولا بتنفع الوردات للاخشم عطر
والحلم طول الليل شوق بيشتكي
سهران عمر القلب ع ضي القمر
والطيف طلّ يميل مبلل بالبكي
شكيان رشة غيم بالمي انغدر
الله عطانا الحس رهف المحبكة
عشقان نبقى دوم بهماس الفكر
و القلب لما يدق دقة مشاركة
قلّ الكلام و ضاع باللمس انغمر
لا نجوم تحكي نور تبقى مفلّكة
بغمز البدر عالخد تتعالى سهر
وزهور نفح عطور قلب بتتكي
مكفوف لحظ الحب للهوى ملهوف
يغمر ثنايا الروح و حنايا البشر
رامز عيد
11/11/2016
وافر تقديري و فائق احترامي لمجلة حنين الناي على نشر شعري المتواضع في صرحها الراقي و اخص بالشكر و الامتنان الاستاذ الفذ Delan Kurdi
ردحذف