ممكن تحني وعليا تردي
وياريت بلاش عناد وتحدي
بحبك بعشقك وربك عالم
وبعلنها انا محمد سالم
ان انتي حلمي الوردي
يا اول دقه في دقاتي
قربك نجاتي وحياتي
وكفايه تجرحي وتصدي
انا كنت عايش وحداني
شفتك والهوي ليكي رماني
وبقولها في ضحكي وفي جدي
اعزريني اني جرئ
بعادك موت بالبطئ
لانك معاي مطرح ما بروح
وبعادك يطلع مني الروح
ورساله منك لروحي تردي
مجنون عشان ليكي مشتاق
انا اكتر عاشق في العشاق
فقربي وبلاش للرحال تشدي
يا اطهر بنت جابها الكون
يا حلمي انا العاشق المفتون
فبلاش ل حلمي تهدي
يا ضحكه ضحتهالي الحياه
ل اسمك قلبي بيقف انتباه
من غيرك ايامي مش هتعدي
عشان اول بنت حبتها
وفي روحي وقلبي خبتها
اسلوبي في الحب ع قدي
مجنون وخيالي دايما شارد
ويثبتلك حبي كل القصايد
لو هتعديها مش هتعدي
مفيش اغلي من روحي كنت اديكي
يا بلسم جرحي انا بحبك وشاريكي
ودا اخر كلام عندي
قلم . محمد سالم
ليست هناك تعليقات:
إرسال تعليق